Agjencia e OKB-së për refugjatët palestinezë tha të hënën se më shumë se një milion palestinezë janë detyruar të largohen nga qyteti Rafah në Rripin jugor të Gazës për shkak të sulmeve të vazhdueshme izraelite.
“Zhvendosja e detyruar ka larguar mbi 1 milion njerëz nga Rafah”, zbuloi Agjencia e OKB-së për Ndihmën dhe Punët për Refugjatët në Palestinë (UNRWA) në X.
Situata është përshkallëzuar në mënyrë dramatike, me mijëra familje që kërkojnë strehim në zonat e banuara të dëmtuara dhe të shkatërruara në Khan Younis, shtoi UNRWA.
“UNRWA vazhdon të ofrojë shërbime thelbësore pavarësisht sfidave në rritje”.
UNRWA i përshkroi kushtet në Rafah si “të papërshkrueshme”, duke theksuar ashpërsinë e krizës.
Izraeli ka vazhduar ofensivën e tij brutale në Gaza pas inkursionit të Hamasit më 7 tetor, pavarësisht nga një rezolutë e Këshillit të Sigurimit të OKB-së që kërkon një armëpushim të menjëhershëm.
Më shumë se 36.400 palestinezë janë vrarë që atëherë në Gaza, shumica dërrmuese janë gra e fëmijë, si dhe mbi 82.600 të tjerë janë plagosur, sipas autoriteteve lokale shëndetësore.
Izraeli akuzohet për gjenocid në Gjykatën Ndërkombëtare të Drejtësisë (GjND), e cila në vendimin e saj të fundit ka urdhëruar Tel Avivin të ndalojë menjëherë operacionin e tij në Rafah, ku mbi një milion palestinezë kishin kërkuar strehim nga lufta përpara se të pushtohej më 6 maj.
Këngëtari nga Shkupi, Lindon Berisha së bashku me artistin nga Shqipëria Luiz Ejlli kanë lanësuar…
Qeveria merr vendim kolektiv, vendimet nuk janë individuale, theksoi sot ministrja e Financave, Gordana Dimitrieska…
“Vendimet e qeverisë janë kolektive dhe jo individuale”, kështu u përgjigj sot ministrja e Financave,…
Është me interes pubik që të dihet se çfarë kuadro ka partia Besa, respektivisht për…
Bashkimi Demokratik për Integrim (BDI) shpreh shqetësimin e saj për reagimin e fortë që po…
Bashkimi Demokratik për Integrim sot mbajti mbledhjen e përgjithshme të partisë në Gostivar. Kreu i…