Ministri i Drejtësisë, Krenar Lloga përmes një statusi në faqen e tij në Facebook shkruan se gjatë tre dekadave shqiptarët në Maqedoninë e Veriut do të kenë përfaqësimin më të dobët dhe të margjinalizuar nëpër intitucionet e vendit, falë koalicionit VMRO-VLEN.
Lloga potencon se disa poste në të cilat thirret VLEN-i nuk ekzistojnë fare, janë vetëm emërime pa ndonje funksion të caktuar.
Reagimi i plotë:
– Përgjatë këtyre tre dekadave shqiptarët në RMV kanë drejtuar më së paku 5 nga 15 resore ministrore, gjegjësisht 6 nga 15 ministri dhe së fundi 8 resore nga 16 (pa përmendur këtu ministrat pa portofol/zëvendëskryeministrat apo edhe ato në detyrë).
Ndodh që për herë të parë shqiptarët të drejtojnë vetëm 4 resore ministrore në Qeverinë e paralajmëruar nga VMRO-vLEN, dhe atë 4 nga 16 resore. Biles, edhe më keq, do bëjnë ndryshime ligjore që të bëhen 4 nga 19, e që do të jetë ekzekutimi politiko-institucional i shqiptarëve të RMV-së.
Nuk ka resor Ministri për Integrim – NUK EKZISTON
Nuk ka resor Ministri për Qeverisje të Mirë – NUK EKZISTON
Do jenë dy ministra pa resor që do të kenë nga 5 të punësuar, një shofer e një fotograf.
*S’ka lidhje be shoç, veç të hyjmë njëherë mandej e shohim.