Stojançe Angellov: Ta mundin BDI-në, partinë e dalë nga UÇK-ja dhe ta miratojmë ligjin e “branitellave”

Ish komandanti i forcave të sigurisë së Maqedonisë gjatë luftës së vitit 2001, Stojançe Angellov përmes “Facebook” ka bërë thirrje deri tek të gjithë maqedonasit që të dalin masivisht në zgjedhje dhe të mbështesin VMRO-në me të vetmin qëllim, që BDI-ja të mbetet në opozitë dhe 23 vite pas luftës të miratohet ligji i “branitellave” që do të zgjidhë problemin dëmshpërblimit të familjeve të tyre.

Në apelin e tij, Angellov thotë se maqedonasit duhet ta votojnë VMRO-në që e njëjta ta dërgojë në opozitë partinë e dalë nga UÇK-ja, BDI-në.

“23 vite pas luftës ju ftoj të japim gjithçka nga vetja që ta mundim BDI-në, partinë e dalë nga UÇK-ja. Vetëm me një fitore edhe më bindëse të koalicionit “Maqedonia përsëri e juaja” e udhëhequr nga VMRO DPMNE në krye me Hristijan Mickoski, shantazhet nga BDI do të tejkalohen përfundimisht dhe do të mund të miratohet një ligj që do të zgjidhë problemin e zjarrtë të dëmshpërblimit të familjeve. mbrojtësit e rënë, por do të fitohen disa të drejta për të gjithë mbrojtësit maqedonas. Në të njëjtën kohë, presidentja e ardhshme Gordana Siljanovska – Davkova tha qartë se do të nderojë pjesëtarët e forcave të sigurisë maqedonase të cilët morën pjesë në luftën e armatosur për mbrojtjen e Maqedonisë në vitin 2001, gjë që nuk e ka bërë asnjë president që atëherë e deri më tani. sot.”, thotë Angellov.