Në emisionin Pressing më Leonard Kerqukin në Televizionin Klan Macedonia, panelistët diskutuan mbi pritshmëritë e shqiptarëve pas zgjedhjeve presidenciale të 24 prillit.
Analsiti Ilir Mirena tha se Vetëvendosje po shet patriotizëm në Maqedoninë e Veriut duke e sulmuar kandidatin presidencial të Frontit Europian Bujar Osmanin, e duke sjell politikanët e atij subjekti për të bërë fushatë në Maqedoni.
“Vetëvendosje po tenton me shit patriotizëm e me mbledh vota këtu, duke e sulmu z.Bujar Osmanin. Ministri Osmani nuk ka fol në emër të Kosovës por në emër të OSBE-së sepse ai ka udhëheq një vit me atë pozitë. Zana po i pëemend dekoratat që ka dhënë presidenti Hashim Thaçi për anëtarët e BDI-së, mirëpo janë dhënë për aktivitet e mirënjohje për luftë. Ma thuaj ti, cila parti politike e Kosovës i ka pru eksponentët e saj kryesor me i shetit rrugëve të Shkupit e të Kumanovës në Maqedoni në kohë fushate? Dekoratat qe jepte Thaçi ishin për kontribut në kohë lufte, ndaj dallon ajo…”, tha Mirena.
Analisti Valon Syla tha se është turp që Vetëvendosje po ndikon në zgjedhjet në Maqedoni duke krijuar imazhin që Kosova po ndikon drejtpërdrejtë në procesin zgjedhor.
“Kemi një kryeministër shqiptar, që një kryeministër poashtu shqiptar nga Kosova, po iu ndërhyn në këto zgjedhje shqiptarëve këtu. Albin Kurti është kryeministër, Liburi apo Konjufca apo Albulena janë këndej për fushatë. Pra kjo o marre”, deklaroi Syla. /TvKlan.mk