Kryeministri në Qeverinë Maqedonisë së Veriut, Talat Xhaferi sot në kabinetin e tij ka takuar volejbollisten tetovare Erjona Jonuzi, e cila është fituese vetme e titullit MVP në garat evropiane edhe krahas disfatës së Maqedonisë së Veriut kundër Letonisë. Në faqen zyrtare të kryeministrit, thuhet:
“Sot u takova me sportisten Erjona Jonuzi, volejbollisten e re me karrierë të ndritshme 12 vjeçare.
E urova që është fituesja e vetme e titullit MVP në garat evropiane edhe krahas disfatës së Maqedonisë së Veriut kundër Letonisë. Shqiptarja e vetme në reprezentacion, e cila luan në pozitën specifike të pasuesit, fituese e mirënjohjes nga Agjencia e të Rinjve dhe Sportit dhe nga Komuna e Tetovës. Karriera sportive e Erjonës ka ardhmëri të ndritur të cilën e mbështes pa rezerva”
