7 marsi/ Ahmeti: Në kauzën tonë mbarëkombëtare roli i pishtarëve të arsimit ka qenë dhe mbetet jetik

Kryetari i Bahskimit Demokratik për Integrim, Ali Ahmeti nëpërmes një postimi në rrjetet sociale ka lëshuar një urim të përzemërt të gjithë  mësuesve dhe mësueseve me rastin e festës kombëtare të 7 marsit.

Ahmeti në urimin e tij ka thënë se duhet të kujtojmë për çdo ditë të gjithë ata misionarë të arsimit në gjuhën tonë amtare që mbajtën të pashuar flakadanin e dijes.

Sipas tij, në kauzën tonë mbarëkombëtare roli i pishtarëve të arsimit ka qenë dhe mbetet jetik për përjetësinë e kombit.

Urimi i plotë:

Një urim nga zemra po ju dërgoj sot të gjithë mësuesve dhe mësueseve tona me rastin e festës kombëtare të 7 marsit. Le të kujtojmë për çdo ditë të gjithë ata misionarë të arsimit në gjuhën tonë amtare që mbajtën të pashuar flakadanin e dijes dhe me këtë ruajtën indin tonë kombëtar nga kthetrat e asimilimit. Në kauzën tonë mbarëkombëtare roli i pishtarëve të arsimit ka qenë dhe mbetet jetik për përjetësinë e kombit dhe mbjelljen e atdhedashurisë tek brezat e rinj që nuk duhet të harrojnë të kaluarën e lavdishme dhe me dije duhet të vazhdojnë të prijnë kauzat e reja kombëtare.Duke kujtuar 137 vjetorin e hapjes së Mësonjëtores së parë në Korçë, le të reflektojmë sot mbi peshën e madhe të shkollave shqipe të përhapura gjithandej vendit, mbi peshën e tre universiteteve tona kombëtare që sot janë fole të padiskutueshme të përparimit! Gëzuar 7 marsin! E përjetshme qoftë gjuha jonë e bukur!

<iframe src=”https://www.facebook.com/plugins/post.php?href=https%3A%2F%2Fwww.facebook.com%2FAliAhmetiOfficial%2Fposts%2Fpfbid02JLhsuLqEBsMnYS57tnZE5F7X8zG549zJpH4N6KwVLBm4ro4uoUDXjzahe2MxY13Cl&show_text=true&width=500″ width=”500″ height=”738″ style=”border:none;overflow:hidden” scrolling=”no” frameborder=”0″ allowfullscreen=”true” allow=”autoplay; clipboard-write; encrypted-media; picture-in-picture; web-share”></iframe>