Lidhja e Diasporës shqiptare me seli në Zvicër, që vite me radhë është përpjekur në një kauzë të përbashkimit të subjekteve politike shqiptare. Një herë gjithë subjektet, e pastaj partitë opozitare. Vinte shpesh përfaqësuesi i kësaj lidhjeje në Maqedoni, udhëtonte në relacionin Shkup-Tetovë-Gostivar-Strugë
Kjo lidhje, vite me radhë mbante kontakte me këto parti dhe i luste të bashkohen rreth kauzave të përbashkëta shqiptare. Ajo që merrte si përgjigje përfaqësuesi i tyre, ishin fjalë kurtoazie e miratimi, ndërkaq si kalonin vitet, gjithnjë e më i madh ishte dëshpërimi. Një një moment interesant të këtij misionarizmi, ky përfaqësues i lidhjes së Diasporës përfundoi si përkrahës i vetëm njërës parti, tek e cila pa se po i përkrah qëndrimet e tyre. Pastaj u duke se nuk kishte më kontakte.
Por, jo, ja, Lidhja e Diasporës është ende gjallë dhe vëzhgon nga larg. Përfaqësuesi i saj që shpesh shëtiste nga njëra seli në tjetrën, Alisetar Bojana, është shprehur i dëshpëruar nga veprimi i Taravarit. Dikur, kishte qenë i dëshpëruar nga Zijadin Sela, por tash thotë se për herë të parë pajtohet me të. Ja si është shprehur përmes rrjeteve sociale Alisetar Bojana:
“Do të flas! Por do ta lë për pak më vonë, aktualisht sot për sot për herë të parë pajtohem me ish kryetarin e ASH-së Ziadin Sela! Kryetari aktual i ASH-së Arben Taravari është shumë gabim që kërkon bashkim me disa individë të ashtuquajturës opozitë e shqiptarëve!”
Kaq ka komentuar përfaqësuesi i Lidhjes së Diasporës Shqiptare, por i qartë dhe decid në vlerësim për të kuptuar që nuk pajtohet me Taravarin që po shkon me individë të caktuar të “të ashtuquajturës opozitë shqiptare”.
Do të jetë interesant të shihet çka tjetër do të thotë ditëve në vijim Alisetar Bojana.
Po po, do të flas kur të vijë koha! Foto: takime të ndryshme me politikanët aktual si dhe një foto në State Deparetmentin Amerikan ku LDSHM SHBA UE organizoi takim për krerët e subjekteve politike ASH dhe LB!