Talat Xhaferi e pranoi detyrën e kryeministrit teknik nga kryeministri i deritanishëm Dimitar Kovaçevski.
Xhaferi në kohë shkoi në selinë e Qeverisë së Maqedonisë së Veriut, i përcjell nga ekipi tij, përcjell INA.
Pas pranimit të detyrës, ai u shpreh se kushtetuta dhe ligji do të jenë baza mbi të cilës ai do ta mbeshtes çdo veprim dhe vendim në qeveri.
“Shpreh kënaqësinë dhe përgjegjësinë për detyrën që e mora përsipër duke e përsëritur atë që kushtetuta dhe ligji do të jenë baza mbi të cilën do e mbështes çdo vendim dhe veprim që e ndërmarrim si qeveri. Detyra primare e kësaj qeveria është parapërgatitja, organizimi dhe zbatimi i zgjedhjeve të lira, fer dhe demokratike të rregullta presidenciale me 24 prill dhe 8 maj dhe zgjedhjeve të rregullta parlamentare më 8 maj 2024 dhe për këtë qeveria në një procedurë të drejtpërdrejtë, transparente dhe ligjore”, deklaroi kryeministri Xhaferi.
Kuvendi dje votoi Qeverinë kalimtare me 65 vota pro dhe 3 vota kundër që për 100 ditë do të udhëhiqet nga ish-kryeparlamentari Talat Xhaferi, i cili në këtë detyrë vjen si pjesë e marrëveshjes midis BDI dhe LSDM.
Qeveria kalimtare do të përkujdeset për organizimin e zgjedhjeve parlamentare të 8 majit dhe ato presidenciale të 24 prillit. Me rastin e nisjes së detyrës, Xhaferi ka mbajtur një konferencë me mediat.(INA)