Ndihmëssekretari amerikan i shtetit, James O’Brien, ka lavdëruar Maqedoninë e Veriut për rolin e saj në Ballkanin Perëndimor dhe integrimit evropian. Ai e ka bërë këtë deklaratë në Samitin e liderëve të rajonit me përfaqësues të Bashkimit Evropian dhe Shteteve të Bashkuara.
O’Brien ka theksuar se Maqedonia e Veriut është një partner strategjik i SHBA-së dhe ka vlerësuar bashkëpunimin e ngushtë mes dy vendeve. Ai ka shtuar se SHBA-ja po mbështet nismën e BE-së për të nxitur rritjen ekonomike dhe stabilitetin në Ballkanin Perëndimor.
“Është mirë të kthehem në Shkup. Kam ardhur këtu për herë të parë si zyrtar amerikan në vitin 1996. Është kënaqësi të jem këtu dhe të shoh Maqedoninë e Veriut si mikpritëse. Këta janë aleatët tanë dhe ne po punojmë me këtë qeveri për një nismë të rëndësishme ditët e fundit”, ka thënë O’Brien.