Një alternativë e re për udhëtarët në Prishtinë do të jetë shërbimi i biçikletave publike, i cili do të nisë së shpejti. Këtë e ka bërë të ditur kryetari i komunës, Përparim Rama, i cili ka treguar se kanë marrë 100 biçikleta të reja, të cilat do të shpërndahen në 10 stacione të ndryshme në qytet. Ai ka shtuar se po punohet edhe për krijimin e shtigjeve të reja për biçikleta, të cilat do të rrisin sigurinë dhe komoditetin e përdoruesve.
Rama ka theksuar se përdorimi i biçikletave ka shumë përfitime për ambientin dhe shëndetin. Ai ka bërë thirrje që qytetarët ta përdorin këtë shërbim sa më shumë, duke kontribuar në uljen e ndotjes së ajrit dhe përmirësimin e cilësisë së jetës.
“Biçikletat janë një mjet i shkëlqyer për transport, sport dhe argëtim. Ne duam të inkurajojmë një kulturë të re të lëvizjes në Prishtinë, e cila do të jetë më e gjelbër, më e shëndetshme dhe më e lumtur”, ka thënë Rama. (politiko.makdomen.net)