Për zgjedhjet e ardhshme parlamentare, pronari i portalit “Tetova Sot” Rami Mislimi ka bërë një analizë të mundshme të rezultateve, duke u bazuar në atë që keto parti politike ofrojnë dhe përkrahjen që kanë nga votuesit.
Mislimi shkruan se BDI është partia më e fortë dhe më e qëndrueshme, ndërsa partitë e tjera janë në konflikt për imazh dhe numra.
Statusi i plotë:
Nëse sot do të ishin zgjedhjet ora 19:00 do të ishte kështu rezultati!
Koalicioni për Evropë – 26 Deputet, BDI, ASH-në, PDSH-në, PDE dhe Zejdi,
BDI – 19 Deputet, ASH, 4 deputet, PDSH 1, PDE 1, Zejdi 1
Nëse do të shkonin ndaras –
BDI – 23 Deputet
ASH – 3 Deputet
PDSH- 0
PDE – 0
Zejdi – 0
LEN: 4 deputet
Sqarim-
BDI vazhdon të mbetet si parti më serioze dhe më e palëkundur në qëndrimet e saja dhe shqiptarët e vlersojnë gjithmonë seriozitetin e një lideri dhe subjekti që rri gjithnjë në një vijë pa i ndryshuar deklaratat herë majtas e herë djathtas andaj edhe shqiptarët do ta votojnë sërish Ali Ahmetin dhe BDI-në masovikisht edhe në këto zgjedhje. Ali Ahmeti do duhet të ndryshojë kësaj radhe një strategji të vogël duke i eliminuar disa “hajdut” dhe njerëz që kanë qenë mbi 3-5 mandate si drejtora e ministra dhe fitorja është 100% e sigurtë.
ASH-ja e Taravarit dhe ASh-ja e Selës nuk e dinë se cilën rrugë ta zgjedhin. Sela dëshiron me Ali Ahmetin ndërsa Taravari një herë ëndërron vet e një herë me opozitën (LEN) cilën ta zgjedh Taravari do të jetë humbës nga parashikimi i tij. Nëse ai do të del vet në zgjedhje hiç më shumë se 3 deputet nuk e nxjerrin, nëse shkon me opozitën do të zvogëlohet në 2 deputet pasi Sela do të shkëputet dhe të vazhdojë rrugën e tij i pavarur nga Taravari.
Sela lufton për numra, Taravari për imazh.
Ideja e Selës mund të arrijë nga 4 deri në 6 deputet ndërsa e Taravarit nga 3 në 2 deputet.
Lufta mes Selës dhe Taravarit do të zgjas deri në momentin e fundit dhe tash për tash janë 50% me 50% asnjëra palë nuk ka fuqi më të madhe në parti për të vendos pa grindje dhe luftë.
Partitë tjera si PDSH, PDE, Zejdi nëse nuk bashkohen me BDI-në do të shkrihen si DR-ja e Imer Selmani pa asnjë deputet vetëm do të lavdërohen se sa vota kanë marrë në nivel nacional. Nëse bashkohen me BDI-në Ali Ahmeti do tju jep nga 1 deputet si bakshish për bashkëpunimin dhe sinqeritin e tyre për rrugën e gjatë drjetë Evropës.
LEN i Izetit, Bilallit dhe Gashit nuk do të krijojë frymë optimiste në popull pasi tre liderët e Frontit Opozitar kanë qenë nën çadrat e BDI-së dhe Ali Ahmetit.
Populli shqiptar në RMV është një ndër popujt më të mençur në ballkan, pasi këto fenomene i lexon shumë mirë në mënyrë të përkryer andaj edhe nuk do të mashtrohet lehtë për të votuar 3 liderët opozitar pasi të gjithë kanë hangër “çorbën” e BDI-së dhe kur do të vij për të votuar atëherë shqiptarët më mirë i bie ta votojnë BDI-në dirket se sa liderët që kanë hëngër “çorbë” nga BDI-ja.
Dhe për fund nuk kam harruar se partia e Gjyle Çelikut do të ketë votën time të sigurtë. Besoj se më shumë vota nuk e parashoh se do të ketë përpos votos time.
PS- Nesër mund të ndryshohet mendimi për numrat. Nuk dihet se nga do të lëvizin liderët, por deri sonte ora 19:00 i qëndroj pas numrave.
Shihemi në parashikimet e radhës!