OBSH ka raportuar se rastet me HIV në kontinentin evropian kanë shënuar një rritje prej 30% në vitin 2022, pasi pandemia e COVID-19 ka ndikuar në parandalimin dhe trajtimin e këtij infeksioni.
Në vendet anëtare të BE-së, janë diagnostikuar 22.995 persona me HIV, me një raport prej 5 për 100 mijë banorë, në krahasim me 4 për 100 mijë banorë para pandemisë.
OBSH ka bërë të ditur se shumica e rasteve me HIV kanë lidhje me raportet seksuale, ndërsa një përqindje e vogël (5.9%) ka të bëjë me përdorimin e drogës me injeksion.
Nga ana tjetër, situata e AIDS-it ka pësuar një përmirësim të dukshëm, me një rënie të numrit të rasteve dhe të vdekjeve nga kjo sëmundje. OBSH ka theksuar nevojën për të vazhduar me masat e parandalimit dhe trajtimit të HIV/AIDS-it, edhe gjatë pandemisë. (politiko.makdomen.net)