Nën përkujdesjen e kryetarit të Bashkimit Demokratik për Integrim, Ali Ahmeti u mbajt sot në Filharmoninë e Maqedonisë së Veriut Akademi Solemne me rastin e 111 vjetorit të Pavarësisë së Shqipërisë.
Zëvendeskryeministri i parë, Artan Grubi në faqen e tij zyrtare në Facebook shkruan se është detyrë e çdo shqiptari që ta ruaj flamurin dhe gjuhën shqipe që u fituan me shumë sakrificë.
Statusi i plotë:
Në akademinë solemne kushtuar ditës së flamurit tonë kombëtar të organizuar nën përkujdesin e liderit të kombit, Ali Ahmeti, rikujtuam moralin e fortë çlirimtar dhe vetëdijen e lartë kombëtare të trashëguar ndër gjenerata që nga Gjergji në mesjetë e deri te Ademi në fundshekullin e kaluar për të ruajtur flamurin e gjuhën tonë të lashtë.
Është obligim i çdo shqiptari që të nderojë kombin e të mbrojë flamurin, kjo është e mundur vetëm me punë e shërbim të sinqertë ndaj idealeve përparimtare që duhen ndjekur.
Lavdi e përjetshme të rënëve për flamur, gjuhë e dinjitet kombëtar!
Rroftë përjetë flamuri kombëtar dhe kombi shqiptar!