Një raport i Fondit për të Drejtën Humanitare në Kosovë, një organizatë që merret me regjistrimin e shkeljeve të të drejtave të njeriut gjatë konfliktit në Kosovë në fund të viteve 90, tregon se mbi 13,500 qytetarë kanë humbur jetën ose janë zhdukur si pasojë e luftës. Këtë e ka konfirmuar drejtori i Fondit, Bekim Blakaj, në një intervistë për Front Online.
Sipas raportit, shumica e viktimave, rreth 10,800, ishin shqiptarë, ndërsa rreth 2,200 ishin serbë. Raporti përfshin edhe viktimat e komuniteteve të tjera, si romë, boshnjakë, etj. Raporti thekson se mbi 80% e viktimave shqiptare ishin civilë, të cilët nuk kishin marrë pjesë në luftë dhe nuk duhej të ishin objektiv i sulmeve. Raporti ka për qëllim të kontribuojë në procesin e zbardhjes së fatit të të zhdukurve dhe të drejtësisë për viktimat dhe familjet e tyre. (politiko.makdomen.net)