Ademi: Shqiptarët e kanë adresën e duhur, Ali Ahmetin dhe BDI-në

Nënkryetari i BDI-së Arbër Ademi sot ka përuruar hapsirat e reja në selinë qëndrore, në Degën e Kumanovës. Ademi ka theksuar se BDI është një forcë e madhe kombëtare që nuk trembet nga asnjë armik.

Ai ka falënderuar aktivistët dhe simpatizantët e partisë për punën e tyre të palodhshme dhe ka bërë thirrje për bashkim dhe angazhim për të mbrojtur interesat e shqiptarëve në Maqedoni, duke u drejtëuar vetëm tek një adresë, tek Ali Ahmeti BDI dhe.

“Përulem përpara të gjithë aktivistëve dhe simpatizantëve të partisë sonë që me çdo mund e sakrificë, pa kursim punojnë për këtë organizatë të pastër kombëtare që të shënojë sukses kundër çdo armiku të popullit shqiptarë.

I përshëndes të gjithë ata që kanë qenë kontribut i fitoreve të parreshtura të BDI-së, në kotë hapsira të reja që nuk i kemi patur më parë në kuadër të bashkimit demokratik për integrim, prandaj prej nesh kërkohet punë edhe më e madhe. 

Të dashur aktivist dhe mbështetës të organizatës sonë politike nuk është vetëm mision partiak, por është mision kombëtar që të angazhohemi të kanalizojmë të gjitha përpjekjet tona, kapacitetet tona intelektuale dhe kombëtare që BDI të vazhdojë të jetë kockë e pathyeshme vendimtare dhe fitimtare e çfarë do lloj sfidash elektorlae që na servohen përpara. Edhe sot ka parti politike të cilat e kritikojnë BDI-në dhe theksojnë se ajo është e keqja më e madhe e këtij vendi, ata hallin nuk e kanë tek BDI ata e kanë hallin tek shqiptarët, sepse shqiptarët po bëjnë përpjekje që të jenë të barabartë në këtë vend. Ata kanë frikë nga barazia prandaj krijojnë edhe qendra të ndryshme hibride dhe oligarkike për të mposhtur Ali Ahmetin i cili ka lëkundur themelet e ish Jugosllavisë.

E kanë të kotë pasi BDI duke kaluar vite është etabluar mirë dhe i përballon të gjitha luftat komplekse.

Shqiptarët nuk kanë kohë të mbështesin parti të vogla sepse e kanë vetëm një adresë, e ajo është Ali Ahmeti dhe Bashkimi Demokratik për integrim”, ka thënë Ademi.