Çfarë di Viber për ju dhe çfarë të dhënash personale mbledh

Viber është një nga aplikacionet më të përdorura për komunikim, por a e dini se çfarë informacioni ka ky aplikacion për ju dhe çfarë të dhënash personale mbledh? Në këtë artikull do të shpjegojmë se çfarë lloj të dhënash ruan Viber dhe për çfarë qëllimesh i përdor.

Sipas politikës së privatësisë së Viber, puna dhe shërbimet e ofruara nga ky aplikacion përfshijnë në mënyrë të pashmangshme mbledhjen e të dhënave personale, fushëveprimi i të cilave ndryshon në varësi të llojit të shërbimeve të përdorura dhe ndërveprimit me platformën. Kompania pretendon se nuk lexon ose dëgjon përmbajtjen e mesazheve private ose telefonatave të dërguara përmes aplikacionit, por ka disa të dhëna që i mbledh automatikisht ose me lejen tuaj.

Me regjistrimin e “Viber”, pra duke përdorur aplikacionin për herë të parë, kompania ruan të dhënat e mëposhtme:

• Numri i telefonit;
• Të dhënat personale si emri dhe data e lindjes;
• Adresën e postës elektronike;
• Interesat që i shkruani vetë;
• Identifikuesit e pajisjeve që përdorni;
• Foto ose avatar, nëse ngarkoni;

Këto të dhëna i përdor Viber për të krijuar llogarinë tuaj, për të ju ofruar shërbime të personalizuara, për të ju dërguar njoftime dhe për të përmirësuar cilësinë e shërbimit.

Siç pritej, vendndodhja është një nga gjërat që Viber pëlqen të mbledhë, kështu që ai di për ne:

• Vendndodhjen e përafërt bazuar në numrin e telefonit, adresën IP dhe adresën e shtëpisë,
• Vendndodhjeb e saktë e bazuar në GPS për nevojat e funksioneve të caktuara dhe marketingut,

Këto të dhëna i përdor Viber për të ju treguar përmbajtje të lidhura me vendndodhjen tuaj, për të ju sugjeruar kontakte dhe komunitete afër jush, për të ju ofruar reklama dhe oferta të përshtatshme dhe për të analizuar sjelljen tuaj të përdorimit.

Ka disa të dhëna që Viber i mbledh automatikisht, dmth. të dhënat e mbledhura duke përdorur teknologji identifikimi të pajisjes, për shembull:

• Identifikuesit e pajisjes si adresa IP dhe identifikuesit unikë të pajisjes,
• Aktiviteti në internet (koha e aksesit, faqet e vizituara, etj.)
• Aktiviteti gjatë përdorimit të aplikacionit;
• Të dhënat e ndërveprimit me komunitetet, kanalet, dhe llogaritë e biznesit,
• Të dhëna për sistemin operativ të pajisjes, shfletuesin, gjuhën, etj.

Këto të dhëna i përdor Viber për të monitoruar dhe mbrojtur sigurinë e aplikacionit, për të përmirësuar performancën dhe funksionalitetin e tij, për të ju ofruar përmbajtje dhe reklama relevante dhe për të kuptuar preferencat dhe nevojat tuaja.

Viber gjithashtu mbledh të dhëna duke përdorur burime të tjera, por supozon disa gjëra:

• Informacion rreth llogarive të lidhura të rrjeteve sociale,
• Gjinia dhe interesat (supozim),
• Supozimet e bazuara në të dhënat e palëve të treta dhe ndërveprimin me përmbajtjen e reklamave,
• Emri dhe numri i telefonit bazuar në drejtorinë e pajisjeve të tjera.

Këto të dhëna i përdor Viber për të ju ofruar shërbime të personalizuara, për të ju sugjeruar kontakte dhe komunitete të interesit, për të ju ofruar reklama dhe oferta të përshtatshme dhe për të analizuar sjelljen tuaj të përdorimit.

Edhe nëse nuk përdorni Viber, kompania do të mësojë emrin dhe numrin tuaj të telefonit nga kontaktet e njerëzve të tjerë. Kjo ndodh kur dikush që ka instaluar Viber ju ka në listën e kontaktit dhe e ka lejuar aplikacionin të sinkronizojë kontajtet e tij. Në këtë rast, Viber do të ruajë emrin dhe numrin tuaj të telefonit si një kontakt i mundshëm, por nuk do t’ju dërgojë asnjë mesazh ose njoftim. (politiko.makdomen.net)