Mungesa e vitaminës K, një rrezik për shëndetin e zemrës dhe kockave

Vitamina K është një vitaminë e rëndësishme për shëndetin e kockave dhe të zemrës, por shumë njerëz vuajnë nga mungesa e saj në organizëm. Kjo mund të shkaktojë probleme serioze si trombozë, gjakderdhje dhe osteoartrit.

Një studim i ri ka treguar se nivelet e ulëta të vitaminës K rrisin rrezikun e vdekjes së parakohshme te njerzit e moshuar. Studimi përfshiu 4000 njerëz të moshës 54-76 vjeç për 13 vjet dhe zbuloi se ata me nivele të ulëta të vitaminës K kishin 19% më shumë gjasa të vdisnin sesa ata me nivele adekuate.

Shkencëtarët thonë se vitamina K parandalon akumulimin e kalciumit në arterie, gjë që mund të shkaktojë bllokim të qarkullimit të gjakut. Gjithashtu, vitamina K ndihmon në formimin dhe mirëmbajtjen e kockave.

Vitamina K gjendet në shumë ushqime natyrale, veçanërisht në barishte dhe perime. Disa nga burimet më të mira të vitaminës K janë lakra jeshile, spinaqi, majdanozi, gjethet e rrepës, lakra, lulelakra, brokoli, asparagu dhe zarzavatet e sallatës. Gjithashtu, vitamina K gjendet tek qepët e njoma, kumbulla, kastraveci, mëlçia e viçit, çaji jeshil, peshku, vezët, borziloku i thatë, krundet e grurit dhe produktet e qumështit të fermentuara si kosi dhe djathi.

Ekspertët rekomandojnë konsumimin e një sasie të mjaftueshme të vitaminës K çdo ditë për të mbrojtur shëndetin e zemrës dhe kockave. (politiko.makdomen.net)