Deputetja e Lidhjes Social Demokrate të Maqedonisë, Sanella Shkrijelj në një prononcim për indeks.mk ka folur për rëndësinë e integrimit të RMV-së, në Bashkimin Evropian si dhe për përfitimet dhe rrugëtimin të cilin shteti duhet ta ndjekë, për tu bërë anëtare e plotëfuqishme.
Sipas deputetes, Shkrijelj, është pikërisht tani momenti që ne duhet ta shfrytëzojmë dhe as nuk duhet të mendojmë për një ndarje eventuale nga pakoja me Shqipërinë sepse sipas saj, duhet ta shfrytëzojmë atë momentum, që ka unanimitet nga të gjitha anët për momentin, disponimin për zgjerim, raporton indeks.mk
Shkrijelj shton se beson fort në vlerat evropiane dhe deklaron se ne si vend e dimë edhe atë se çfarë do të thotë të kemi procese të ngrira dhe të mos kemi raporte të mira me fqinjtë.
“Unë me të vërtetë nuk dua të mendoj për një skenar të tillë sepse besoj dhe mendoj se të gjithë drejtuesit e institucioneve të BE-së po e përsërisin vazhdimisht se tani realisht kemi një momentum, madje po flasim për data specifike, po flasim për një vit konkret, pikërisht viti 2030 si viti i anëtarësimit me të drejta të plota në BE dhe mendoj se duhet ta shfrytëzojmë atë momentum, që ka unanimitet nga të gjitha anët për momentin, disponimin për zgjerim etj. Ne e dimë që nuk ka qenë gjithmonë kështu dhe se do të vazhdojmë së bashku me Shqipërinë dhe më tej me vendet e tjera si Bosnja, Kosova dhe të gjitha vendet e tjera të rajonit. Serbia dhe Mali i Zi tashmë po negociojnë që Ballkani Perëndimor do të integrohet në BE, ku natyrisht i përkasim. Natyrisht, ne jemi pjesë e Europës, por ky anëtarësim na duhet pikërisht për të përmirësuar cilësinë e jetës së bashkëqytetarëve tanë dhe skenari në të cilin do të ndaheshim nga Shqipëria nuk është realisht një skenar i dëshirueshëm për vendin tonë. E kemi parë një herë në vitin 2008 e në vazhdim. Pra, ne e dimë se çfarë do të thotë të kemi procese të ngrira, kemi marrë edhe rekomandime të ngrira, e dimë se çfarë do të thotë kur kemi qeveri që fokusohet në përhapjen e nacionalizmit dhe populizmit kombëtar, çfarë do të thotë kur kemi qeveri që do të na ndëshkojnë me të gjithë fqinjët tanë dhe ata izolohen dhe sigurisht është një skenar që unë, si dikush që besoj fort në vlerat europiane, nuk dua ta shoh për vendin tone”, deklaroj deputetja Shkrijelj.