Një studim i ri nga Tajvani ka zbuluar se pastrimi profesional i dhëmbëve mund të jetë një mjet efektiv për të reduktuar rrezikun e sulmeve në zemër dhe goditjeve në tru. Studimi, i prezantuar në takimin e Shoqatës Amerikane të Zemrës në Orlando, Florida, ka treguar se pastrimi vjetor i dhëmbëve mund të zvogëlojë rrezikun e këtyre sëmundjeve me 24% në krahasim me ata që shmangin këtë trajtim.
Sipas autorit të studimit, Zu-Yin Chen, larja e dhëmbëve ndihmon në uljen e nivelit të baktereve në gojë, të cilat mund të shkaktojnë inflamacion kronik. Nga ana tjetër, inflamacioni mund të çojë në dëmtimin e enëve të gjakut dhe të zemrës, duke rritur rrezikun e sulmeve në zemër dhe goditjeve në tru.
“Higjiena orale është shumë e rëndësishme, ndaj duhet të ndihmojmë njerëzit të kujdesen për të. Pastrimi i rregullt i dhëmbëve jo vetëm që përmirëson shkëlqimin e buzëqeshjes tuaj, por gjithashtu ju shpërblen me një zemër më të shëndetshme,” thotë Chen.
Studimi përfshinte 161,000 njerëz që nuk kishin histori të sëmundjeve kardiovaskulare. Ata janë ndjekur për një periudhë 7-vjeçare dhe është regjistruar numri i pastrimeve profesionale që kanë kryer. Rezultatet treguan se ata që pastronin dhëmbët të paktën një herë në vit kishin 24% më pak gjasa të pësonin një atak në zemër. (politiko.makdomen.net)