Pas reagimit të mediave kosovare për deklaratën e presidentit francez Emmanuel Macron në lidhje me mundësinë e pezullimit të vizave për Kosovën, zyra e shtypit e presidentit ka sqaruar se çështja mbetet e hapur dhe se nuk ka ndonjë kërkesë për pezullim nga Franca. Sipas zyrës së shtypit, Macroni ka folur për tensionet mes Serbisë dhe Kosovës dhe ka kërkuar që Kosova të mbajë fjalën e dhënë për formimin e Asociacionit të komunave me shumicë serbe. Zyra e shtypit gjithashtu ka theksuar se liberalizimi i vizave është një proces teknik, ku Franca nuk mund të vendosë vetëm, por duhet të konsultohet me partnerët e saj europianë.
Burime diplomatike brenda Bashkimit Evropian kanë konfirmuar se nuk ka mundësi që një shtet anëtar i BE-së ta pezullojë liberalizimin e vizave për një shtet tjetër në mënyrë të njëanshme dhe se kjo mund të bëhet vetëm përmes një rregulloreje nga Këshilli i BE-së. Ata kanë shtuar se Franca, e as ndonjë shtet tjetër anëtar i BE-së, nuk ka propozuar suspendimin e vizave për Kosovën, apo për Serbinë.
Kosova pritet të udhëtoj pa viza në 27 vende të BE-së nga 1 janari i vitit 2024, pasi vendimi për liberalizimin u miratua edhe formalisht nga BE-ja në prill të këtij viti. Për ta pezulluar këtë vendim duhet të merret një vendim tjetër nga Këshilli i BE-s. (politiko.makdomen.net)