Kryeministri i Republikës së Kosovës, Albin Kurti, priti në takim komandantin e KFOR-it, Gjeneral Ozkan Ultutas, për të biseduar për situatën e sigurisë në vend. Takimi u zhvillua në zyrën e kryeministrit në Prishtinë.
Kryeministri Kurti theksoi që është i interesuar për bashkëpunim të fortë, takime të shpeshta dhe komunikim të rregullt me Komandatin e KFOR-it. Ai falenderoi KFOR-in për rolin e saj në mbrojtjen e sovranitetit dhe integritetit territorial të Kosovës dhe në sigurimin e paqes dhe stabilitetit në rajon.
Temë qendrore e takimit ishte situata e sigurisë pas sulmit terrorist të 24 shtatorit në Kosovë, i cili rezultoi me vrasjen e një polic kosovar dhe plagosjen e dy të tjerëve. Kryeministri theksoi që ky sulm terrorist ka vënë në pah nevojën për rritjen e sigurisë në kufirin mes Kosovës dhe Serbisë, ku u konfiskua një sasi e madhe e armatimit dhe municionit ushtarak të prodhuar në Serbi. Ai tha se edhe ushtrimet luftarake të paramilitarëve serb që kryen terror e vrasje në Banjskë të Zveçanit janë kryer në Serbi, ku Kosova nuk ka jurisdiksion. Prandaj, ai kërkoi një hetim ndërkombëtar në Serbi mbi përgatitjet, furnizimin dhe orkestrimin e këtij sulmi.
“Ne duam që Serbia të ndalohet nga veprimet e saj agresive dhe provokative ndaj Kosovës dhe të respektojë sovranitetin dhe integritetin territorial të vendit tonë. Ne duam që Serbia të mbaj përgjegjësi për krime të shkuara dhe të tanishme ndaj popullit kosovar. Ne duam që Serbia të bashkohet me ne në një dialog konstruktiv për normalizimin e raporteve mes dy vendeve”, tha Kurti.
Kryeministri e mirëpriti shtimin e numrit të trupave të KFOR-it, në përgjigje të sulmit terrorist nga ana e Serbisë në Kosovë, duke theksuar që kjo prezencë e shtuar duhet të koncentrohet në ruajtjen e kufirit mes Kosovës dhe Serbisë, prej nga edhe ka hyrë armatimi i Serbisë dhe nga vjen kërcënimi për Kosovën. (politiko.makdomen.net)