Ndërtimi i ri ngjitur me shtëpinë e pensionistëve në Çair, pronari i të cilit ende nuk dihet dhe nuk njihet nga autoritetet komunale, ka filluar të bëjë pengesat e para në funskionimin normal të shtëpisë së pensionistëve.
Ata ditën e djeshme kanë mbetur pa ngrohje qëndrore për shkak të prishjes së gypave nga ana e kësaj ndërtese pa leje.
Për këtë problem ka folur Nevaip Ramadani, udhëheqës i Shtëpisë së Pensionistëve në Çair. Sipas tij, arsyetimi i Ganiut se nuk dihet pronari është qesharak.
“Po ndërtohet një pallat afër nesh këtu, por i kanë ndërprerë edhe punimet sepse qenka pa leje ndërtimi. Nga Komuna e Çairit thonë se janë njoftuar nga mediumet dhe nuk e dinë se kush është investitorë, është shumë qesharake. Ata i kanë prishur gypat dhe pati ndërprerje! Më informuan para një ore se janë duke punuar në sanim dhe sigurisht që do të na lajmërojnë a i kanë kryer punimet”, deklaroi Nevaip Ramadani, Udhëheqës i Shtëpisë së Pensionistëve në Çair.