Marrëveshja për hapjen e Kolegjit Europian në Tiranë është nënshkruar sot nga kryetari i Bashkisë së Tiranës, Erion Veliaj dhe rektorja e Kolegjit Europian, Federica Mogherini. Ky projekt synon të ofrojë arsimim të nivelit botëror për studentët shqiptarë dhe rajonalë, duke kontribuar në të ardhmen e të rinjve dhe integrimin europian.
Veliaj ka theksuar se Bashkia e Tiranës ka ndihmuar në realizimin e këtij projekti, duke ndërtuar 40 shkolla të reja për 4 vite, duke rindërtuar Piramidën si qendër kulturore dhe duke siguruar hapësira për Kolegjin Europian. Ai shprehu besimin se ky projekt do të ndikojë pozitivisht në zhvillimin e qytetit dhe vendit.
“Së bashku me Federicën i japim formë një pjese të qytetit, me shpresën që më vonë ky kub t’i japë formë qytetit. Besoj se kjo është sinergjia fantastike që kemi në këtë qytet. Unë e bëj punën time me dashuri. Unë e bëj punën time jo për zgjedhjet e ardhshme, por për brezat e ardhshëm”, tha Veliaj.
Mogherini nga ana e saj ka bërë të ditur se janë hapur aplikimet për vitin e ardhshëm akademik për studentët që duan të studiojnë në Universitetin Europian të Bruges, në kampusin e Tiranës. Ajo vlerësoi se ky projekt do të jetë një mundësi e veçantë për studentët nga e gjithë Evropa dhe më gjerë, për të njohur kulturën dhe jetën e Tiranës.
“Do të jetë një përpjekje e madhe për të sjellë këtu kaq shumë të rinj nga e gjithë Evropa dhe më gjerë, për të njohur qytetin, për të jetuar në këtë qytet, për të përjetuar se si është të jetosh në këtë mot të mirë, me klimë të mirë. , me njerëz të mirë, por edhe për të përjetuar gjallërinë e qytetit të Tiranës.Jemi shumë të emocionuar për rrugëtimin tim që nis sot, ju keni qenë fantastik si kryebashkiak që organizuat këtë proces, së bashku me ekipin, sepse ishte një punë ekipore dhe tregon shumë për frymën që kemi treguar këtu. Mesi pret të jetë pranë ekipit dhe të lërë të rritet projekti, të cilin do ta kultivoj jo vetëm me dijen e të rinjve të Europës, por edhe për t’i ndryshuar ata”, tha. Mogherini. (politiko.makdomen.net)