Raportuesja për Kosovën në Parlamentin Evropian, Viola Von Cramon, i është përgjigjur presidentit serb, Aleksandar Vuçiq, që e quajti naziste në një intervistë për televizionin rus “Russia Today”.
Ajo tha se me këtë ai e tregoi dobësinë e regjimit të tij autokratik dhe se nuk ka asnjë bazë për të bërë një krahasim të tillë.
“Aleksandar Vuçiq e di që unë jam miku më i madh i Serbisë demokratike. Pra, të gjithë ata që kontribuojnë në demokratizimin e Serbisë për ta afruar atë në BE janë të mirëpritur në Parlamentin Evropian. Duke më krahasuar me nazistët e vitit 1943, ai tregon dobësinë e regjimit të tij dhe mungesën e argumenteve. Qytetarët serb meritojnë më mirë”, ka shkruar ajo në Twitter.
Akuzat e Vuçiqit erdhën pasi Von Cramon kritikoi ashpër Serbinë për mosrespektimin e angazhimeve të saj ndaj dialogut me Kosovën dhe për ndërhyrjen në zgjedhjet në Bosnjë dhe Hercegovinë.
Von Cramon është njohur si një mbrojtëse e fuqishme e procesit të zgjerimit të BE-së në Ballkanin Perëndimor dhe një avokate e drejtave të njeriut. (politiko.makdomen.net)
@avucic knows that I am the biggest friend of a DEMOCRATIC Serbia. So, everyone contributing to democratize 🇷🇸 &bringing it closer 2🇪🇺 is welcomed in @Europarl_EN
By comparing me with Nazis in 1943 he shows the weakness of his autocratic regime. A pity. 🇷🇸citizens deserve better— Viola von Cramon 🇺🇦🇪🇺 (@ViolavonCramon) October 15, 2023