Sipas kalendarit të dakorduar mes pushtetit dhe institucioneve të BE-së, ndryshimet kushtetuese duhet të implementohen deri në fund të muajit nëntor, në mënyrë që të mbahet konferenca e dytë ndërqeveritare dhe të hapen kapitujt me Bashkimin Evropian.
Por, edhe pse votimi i ndryshimeve kushtetuese është pezulluar nga kryetari i kuvendit pa afat, dhe, në këtë drejtim nuk ka lëvizje, pushteti akoma është optimisit se kjo çështje mund të mbyllet me kohë dhe me sukses. Ish-amabsadori Nano Ruzhin këtë optimizëm ia vesh ndonjë marrëveshjeje eventuale mes akterëve politik.
“Ndoshta ka disa bisedime, marrëveshje, plotësim të disa kushteve. Kështu që, si fillim ndodhi me ndryshimin e kodit penal, ulja e dënimeve të majave të politikanëve të VMRO-DPMNE-së dhe gjithashtu e dyta që vijoi, zënka që ishe apo jo e vvërtetë mes ish kryetarit të VMRO-së Gruevskit dhe këtij aktual Mickovski. Prej këtu vijnë disa konkluza: nëse me të vërtetë ulja e dënimeve dhe ndryshimi i kodit penal është punë e dakorduar dhe e dyta, ai teatër apo akuza e ndërsjellë mes ish kryetari të VMRO-së dhe këtij aktual ishte real apo mizanskenë. Kjo ndoshta jep ndonjë dyshim, shpresë se diçka do të ndodh dhe ndoshta do të gjendet zgjidhje”, u shpreh për TVM2 – ish-ambasadori Nano Ruzhin, përcjell Politiko.makdomen.net
Sipas analistit politik Ruzhin, bashkësia ndërkombëtare i ka shpenzuar mundësitë për të bindur VMRO-DPMNE-në që t’i bashkangjitet perspektivës evropiane dhe duket se nuk do të asistojnë më në pajtimin ndër-partiak për orientimin strategjik shtetëror.
Sidoqoftë, njohësit e problematikës mbeten optimist se pozita dhe opozita mund të merren vesh, por nuk dihet kur do të proklamohet kjo, nëse do të jetë para zgjedhjeve apo në ndonjë datë tjetë të caktuar.