NATO-ja ka dërguar 150 trupa rumune në Kosovë, në kuadër të misionit të saj në Kosovë, KFOR. Kjo është ndalesa e pestë e trupave të NATO-s në Kosovë, pas ardhjes së 200 ushtarëve britanikë ditë më parë. Aleanca veri-atlantike ka thënë se do ta rrisë prezencën e saj në Kosovë, për të garantuar sigurinë në rajon, pas rritjes së tensioneve në veri të Kosovës.
Vendimi i NATO-s vjen pas përshkallëzimit të situatës në veri të Kosovës më 24 shtator, kur një grup i armatosur sulmoi një patrull policie dhe vrau rreshterin Afrim Bunjaku. Kosova e ka fajësuar Serbinë për këtë sulm, dhe ka prezantuar prova, që sipas saj e vërtetojnë këtë pretendim, mirëpo Serbia i ka hedhur poshtë ato. Për krimin e akuzohet ish-nën-kryetari i Listes Serbe, Millan Radojçiçi, i cili ka hequr dorë nga të gjitha funksionet partiake. Policia ia ka konfiskuar pronat e tij në Kosovë dhe kërkon ekstradimin nga Serbia.
Ndërkaq, ai është liruar nga autoritetet serbe pas një pyetjeje. Misioni i NATO-s në Kosovë vepron në përputhje me Rezolutën 1244 të KSHB-s për të garantuar sigurin dhe stabilitetin në këtë vend. Deri më tani i ka pasur rreth 4.500 ushtarë në Kosovë të kombesive të ndryshme. (politiko.makdomen.net)