Pendarovski: Mickoski është politikani i fundit në Maqedoni që mund të flasë për rejtingun personal

Presidenti i shtetit, Stevo Pendarovski ka reaguar ndaj deklaratave të fundit të kreut të VMRO-DPMNE-së opozitare, Hristijan Mickoski mbi rejtingun e presidentit në popullatë, përcjell TV21. Pendarovski thotë se Mickoski është politikani i fundit që mund të flas për rejting personal, pasi sipas tij, ai gëzon rejtin 50 për qind më të ulët se partia që drejton.

“Hristijan Mickoski është politikani i fundit në Maqedoni që duhet të flasë për rejtingin e tij personal. Domethënë, edhe pas pesë vitesh si kryetar i VMRO-DPMNE-së, ai ka rejting dy herë më të ulët se ish-krzetari i tyre, Nikolla Gruevski. Në historinë politike të Maqedonisë, kryetarët e partive më të mëdha politike gjithmonë kanë pasur rejting personal dy herë më shumë se partitë që ata drejtonin. Kështu ishte edhe me Branko Cërvenkovskin dhe Zoran Zaev në LSDM, dhe me Ljubço Georgievskin dhe Nikolla Gruevskin në VMRO-DPMNE. Mickoski është i vetmi përjashtim, sepse ai ka një rejting 50% më të ulët se partia që drejton. Në fund të fundit, treguesi më i saktë i rejtingut personal të Mickoskit është sondazhi i fundit i fondacionit IRI, në të cilin presidenti Pendarovski ka besimin më të madh dhe Mickoski nuk është as ndër pesë të parët në listë”, thuhet në reagimin e Presidentit.