Një javë pasi një grup i armatosur sulmoi Policinë e Kosovës në Banjskë të Zveçanit, duke vrarë një polic dhe duke plagosur një tjetër, NATO ka njoftuar se ka shtuar praninë e saj në Kosovë me qindra trupa shtesë. Sekretari i Përgjithshëm i NATO-s, Jens Stoltenberg, tha se Aleanca Veriatlantike është duke e monitoruar me kujdes situatën në Kosovë, veçanërisht në veri, ku ka tension të lartë mes komunitetit serb dhe atij shqiptar.
Këto deklarata Stoltenberg i bëri në konferencën për shtyp që mbajti të enjten në Bruksel, pas takimit të ministrave të mbrojtjes të vendeve anëtare të Aleancës. Ai bëri thirrje që Kosova dhe Serbia të sillen me përgjegjësi dhe të riangazhohen në dialogun e lehtësuar nga Bashkimi Evropian, si e vetmja rrugë për paqe të qëndrueshme në Kosovë. (politiko.makdomen.net)