Shtetet e Bashkuara kanë dhuruar shtatë dronë për Policinë dhe Inspektoratin Policor të Kosovës, si një shenjë e përkushtimit të tyre për zhvillimin e institucioneve të zbatimit të ligjit në Kosovë. Kjo ndihmë vjen pas një sulmi të armatosur nga një grup serb në veri të Kosovës, ku u vra një polic i Kosovës.
Ambasadori amerikan në Prishtinë, Jeffrey Hovenier, tha se dronët do t’i shërbejnë policisë për misione vëzhguese dhe taktike, si dhe për të luftuar krimin e organizuar në rajon. Ai shtoi se SHBA-ja ka besim në aftësinë e Kosovës për të kryer misione të pavarura në luftën kundër narkotikëve dhe zbatimin e ligjit.
Policia e Kosovës ka pohuar se sulmi i 24 shtatorit ishte një tentim për ta aneksuar veriun e Kosovës nga Serbia, dhe ka akuzuar ish-kryetarin e Listës Serbe, Millan Radojçiç, si organizatorin e sulmit. Radojçiç u arrestua në Serbi, por u liroj më pas. Serbia ka hedhur posht akuzat e Kosovës dhe ka mohuar çdo lidhje me sulmin.