Një studim i ri ka zbuluar se nuk ka një dietë optimale për jetëgjatësi, por disa modele të përgjithshme të të ushqyerit që mund të ndryshojnë jetëgjatësinë. Studimi, i botuar në revistën JAMA Internal Medicine, ndoqi zakonet e të ngrënit të 119,000 njerëzve për 36 vjet dhe vlerësoi se sa i përmbaheshin një ose më shumë modeleve të të ushqyerit të shëndetshëm.
Studimi zbuloi se njeriu mund të zvogëlojë rrezikun e një vdekjeje të hershme me gati 20 për qind duke ngrënë ushqime nga një nga katër modelet e të ushqyerit të shëndetshëm: një dietë mesdhetare, një dietë me bazë bimore, Indeksi Alternativ i Ushqimit të Shëndetshëm dhe udhëzimet dietike për amerikanët. Të katër modelet e të ngrënies theksojnë drithrat, frutat, perimet dhe bishtajoret.
Profesori dhe drejtuesi i Departamentit të Ushqimit të Harvardit, Dr. Frank Hu, tha se ka shumë fleksibilitet kur bëhet fjalë për të ushqyerit e shëndetshëm dhe zgjedhjet dietike mund të përshtaten sipas preferencave individuale për sa kohë që ato i përmbahen bazave të cilitdo prej katër stileve të të ushqyerit të shëndetshme. Ai shtoi se kjo do t’ju ndihmojë të kurseni para dhe të hani më shumë ushqime të shijshme dhe të pasura me lëndë ushqyese.
Studimi gjithashtu zbuloi se pjesmarrsit qe qendruan ne perputhje me modelet e tyre te te ushqyerit te shendetshem mund te zvogelonin rrezikun e vdekjes nga semundjet e frymemarrjes me 35-46 perqind, semundjet kardiovaskulare me 6-13 perqind dhe vdekjen nga kanceri me 7-18 perqind.
Disa nga ushqimet qe rekomandohen nga modelet e te ushqyerit te shendetshem jane mish i kuq, qumesht, veze, sardele, kos, dritherat integrale, fruta dhe perime. (politiko.makdomen.net)