Partia është e hapur për të gjithë anëtarët e LSDM-së dhe çdokush konform përvojëes që e ka mund të kontribuojë drejt sigurimit të asaj që është realizim i qëllimeve të LSDM-së, e ai është vazhdimi i rrugës eurointegruese të shtetit, deklaroi sot kryeministri Dimitar Kovaçevski, duke e komentuar praninë e ish-kryeministrit Zoran Zaev në takimin koordinues të ekipit srategjik të partisë.
“Në tryezë kishte dy kryeministra, një i mëparshëm dhe një aktual teknik, ish-sekretarë të përgjithshëm të partisë, ish-nënkryetarë të partisë. Që nga dita e parë e mandatit tim si kryetar i partisë kam thënë se partia është e hapur për të gjithë anëtarët e LSDM-së dhe se çdokush konform përvojës që e ka mund të kontribuojë drejt sigurimit të asaj që është realizim i qëllimeve të LSDM-së të shprehura përmes politikave që i zhvillojmë në vend, e këtu para se gjithash mendoj në një bashkësi të gjerë në vend me qëllim të vazhdimit të rugës eurointegruese të shtetit”, tha Kovaçevski, duke u përgjigjur në pyetjen e gazetarëve pas vizitës në kopshtin “13 Nëntori”.
Takimin e vlerësoi se produktiv dhe konstruktiv, në të cilin janë ndarë përvoja në bazë të së cilës mund të nxirren numër i madh i konkluzioneve që do të mund të zbatohen si në punën partiake, ashtu edhe në miratimin e vendimeve të caktuara në nivel parlamentar.