Azerbajxhani ka arrestuar një ish-udhëheqës të Nagorno-Karabakhut teksa po përpiqej të largohej nga enklava për në Armeni, thonë zyrtarët.
I arrestuari Ruben Vardanyan, është një biznesmen që drejtori qeverinë separatiste që nga nëntori 2022 deri në shkurt.
Gruaja e Vardanyan bëri thirrje për mbështetje për të siguruar lirimin e tij të sigurt, raporton BBC, transmeton Klankosova.tv.
Rreth 50 mijë armenë etnikë janë larguar tani nga Nagorno-Karabakh, i cili u pushtua nga Azerbajxhani javën e kaluar.
Shërbimi kufitar i Azerbajxhanit tha se Vardanyan ishte dërguar në kryeqytet, Baku, dhe iu dorëzua agjencive të tjera shtetërore.
Ndërsa kaluan kufirin të martën, mijëra armenë etnikë iu nënshtruan kontrolleve rigoroze nga kontrolli kufitar i Azerbajxhanit.
Ndryshe, të martën, Sekretari i Shtetit amerikan, Antony Blinken i kërkoi presidentit të Azerbajxhanit, Ilham Aliyev që të sigurojë mbrojtje të pakushtëzuara dhe liri lëvizjeje për civilët.
Në anën tjetër, Sekretari i Përgjithshëm i OKB-së Antonio Guterres u kërkoi gjithashtu të dyja palëve të respektojnë të drejtat e njeriut. /Klankosova.tv
Këngëtari nga Shkupi, Lindon Berisha së bashku me artistin nga Shqipëria Luiz Ejlli kanë lanësuar…
Qeveria merr vendim kolektiv, vendimet nuk janë individuale, theksoi sot ministrja e Financave, Gordana Dimitrieska…
“Vendimet e qeverisë janë kolektive dhe jo individuale”, kështu u përgjigj sot ministrja e Financave,…
Është me interes pubik që të dihet se çfarë kuadro ka partia Besa, respektivisht për…
Bashkimi Demokratik për Integrim (BDI) shpreh shqetësimin e saj për reagimin e fortë që po…
Bashkimi Demokratik për Integrim sot mbajti mbledhjen e përgjithshme të partisë në Gostivar. Kreu i…