Zyrtari i Policisë Kufitare të Kosovës, Alban Rashiti, i plagosur të dielën në mëngjes nga të shtënat me armë zjarri në fshatin Banjskë të Leposaviqit, është liruar sot nga Qendra Klinike Universitare (QKUK).
Rashiti, i cili është operuar dje në Klinikën e Kirurgjisë, është liruar sot nga Klinika Torakale ku po vazhdonte trajtimin mjekësor.
Ai është operuar me sukses të dielën, pasi i është hequr predha nga krahasori i majtë.
Në orët e para të mëngjesit të ditës së dielës, Rashiti u plagos nga të shtënat me armë zjarri, derisa po kryente patrullime në veri bashkë me rreshterin e ndjerë të Policisë së Kosovës, Afrim Bunjaku.
Ngjarja e rëndë ka ndodhur në fshatin Banjska të Zveçanit ku u sulmua patrulla policore.