Penov: VMRO-ja po i mashtron qytetarët, punon kundër interesave të shtetit

Risto Penov, është njëri nga politikanët aktivë më më të vjetër në skenën politike dhe aktualisht mban postin e ministrit të Pushtetit Lokal.
Në një intervistë eksklzive për indeks.mk, Penov, foli per rrugën dhe sfidat e RMV-së, për integrim në Bashkimin Evropian dhe bllokadat e qëndrimet radikale të VMRO-DPMNE-së.

Sipas tij, VMRO-DPMNE-ja po vepron dhe po punon çdo ditë e më tepër kundër interesave të qytetarëve dhe shtetit dhe se me këto qëndrime opozitarja edhe po i gënjen qytetarët.
Duke vlerësuar se kjo sjellje e VMRO-së nuk është e duhur, Penov thotë se ndryshimet kushtetuese që pritet të bëhen në vend, në këtë moment janë harmonizuar ndërmjet 27 vendeve anëtare të BE-së si dhe aleatët tanë.

“Sigurisht që nuk është, jo sepse e kërkon Qeveria apo sepse ne e mbështesim politikisht, por ngase është në interes të shtetit dhe sepse rreth këtyre nevojave në këtë moment janë harmonizuar ndryshimet kushtetuese ndërmjet 27 vendeve anëtare të BE-së si dhe aleatët tanë euroatlantikë, se është në interes të qytetarëve. Është thjesht një gënjeshtër politike, e cila, për fat të keq, për shkak të rajonit të përgjithshëm në të cilin ndodhet Republika e Maqedonisë së Veriut, ka terren pjellor për t’u zhvilluar, dhe këtu do të argumentoja më pak me argumentet e opozitës, e cila natyrisht ka një rol të sulmojë politikat që mbron qeveria, por do të përmbahesha shumë më tepër ose do të kërkoja një zgjidhje për atmosferën e krijuar nga njerëz që natyrshëm i përkasin procesit europian dhe për arsye të ndryshme të kota, personale apo profitere hedhin teza në mbështetje të bllokadës së Republikës së Maqedonisë së Veriut”, deklaroi Penov për indeks.mk.