Një pesticid helmues dhe i ndaluar është zbuluar në një sasi të specave të eksportuara nga Maqedonia e Veriut në Kroaci, ka publikuar Sistemi Europian për alarmim të shpejtë në ushqim, përcjell “N1“.
“Në specat nga Maqedonia e Veriut janë zbuluar mbetje të pesticidit formetanat. Rreziku është serioz” thuhet në njoftimin e Sistemit Europian për alarmim të shpejtë në ushqim.
Ky lloj i pesticidit është insekticid efikas i cili shfrytëzohet në prodhimin e pemëve dhe perimeve. Shumë vende ende e përdorin, por në BE është ndaluar për shkak të dyshimit se mund të ndikojë në shëndetin e njerëzve.