Familja e të riut nga Gostivari që u keqtrajtua nga policia serbe në afërsi të Beogradit ka falënderuar publikisht ministrin e Jashtëm, Bujar Osmani për angazhimin lidhur me rastin në fjalë.
“Falënderim publik. Familja Bajrami në mënyrë publike falënderon Ministrin e Jashtëm të RMV Bujar Osmani dhe gjithë kabinetin e tij për angazhimin maksimal dhe korrekt për ndodhin që i ndodhi djalit tonë në Serbi”, ka shkruar në rrjetin social në facebook familjari.
Afër Beogradit, është ndaluar vetura e shqiptarit nga Gostivari dhe të njejtin e kanë marrë në stacion të policisë vetëm sepse djali i vogël ka pasur bluzë me shqiponjë.