Sot në varrezat e Kumanovës, me ceremoni fetare dhe qytetare, iu dha përshëndetja e fundit Mustafë Ebibit, drejtor Shkollës Fillore “Bajram Shabani”, i cili në moshën 60 vjeçare ndërroi jetë dje në orët e mbrëmjes.
Për jetën dhe kontributin e tij intelektual në ngritjen e arsimit shqip në Kumanovë, folën kolegët e punë Faruk Fetahu e Xhezmi Ramdani, kryetari i Ansamblit “Bajram Shabani”, Dritan Ramadani, Florim Imeri, nga Klubi i Futbolli “Bashkimi” etj.
Në mesin e të pranishmëve në varrim, kishte përfaqësues të institucioneve komunale e shtetërore, ndër ta, edhe zëvendëskryeministri i parë, Artan Grubi.
Mustafë Ebibi ishte punëtor i palodhshëm i arsimit vite me radhë, ndërkaq viteve të fundit me zell të madh ushtroi postin e drejtorit të shkollës më të njohur kumanovare, “Bajram Shabani”, ku u angazhua për përmisimin dhe avancimin e kushteve për mbarëvajtjen e procesit edukativo arsimor.
Përveçse si punëtor arsimor, ai njihet edhe si sportist aktiv, duke punuar si trajner futbolli në kategori të ndryshme të “Bashkimit”, por edhe si seleksionues i Reprezentacionit të Maqedonisë për kadetë, U 17.
Përveç kësaj, i ndjeri Mustafë Ebibi ishte edhe anëtar shumëvjeçar i SHKA ”Bajram Shabani”, ku një kohë ka qenë vallëtar, e më pas edhe koreograf i saj, duke vënë në skenë valle të shumta, duke bashkëpunuar edhe me koreografin e njohur shqiptar, Panajot Kanaçi.
Më poshtë sjellim një nga fjalët e rastit që u mbajtën në ceremoninë e varrimit të ndjerit Ebibi.
https://www.facebook.com/people/Xhezmi-Ramadani/100007303179654/?ref=embed_video