Aeroplani i kompanisë “EasyJet” që ishte nisur të martën nga Prishtina për në Gjenevë, është kthyer sërish në Prishtinë.
I njëjti aeroplan është detyruar të aterojë sërish në Aeroportin Ndërkombëtar të Prishtinës “Adem Jashari”, pas 40 minutave fluturim në qiellin e Kosovës.
Kjo është bërë e ditur në faqen “Maraklit e Fluturimit” në Facebook, derisa është thënë se nuk dihen ende arsyet se përse aeroplani i kompanisë “EasyJet” është detyruar të aterojë sërish në aeroportin e Prishtinës.
“Aeroplani i kompanisë “EasyJet” që kishte destinacion Gjenevën mbas 40 minuta fluturim mbi Kosovë detyrohet të ateroj prapë në aeroportin e Prishtinës, arsyeja është ende e pa qartë ,pritet informacione nga stafi i aeroportit , shpresojmë se s’është diçka serioze”, thuhet në postimin e bërë në faqen “Markalit e Fluturimit”.
