Sot ose nesër në Athinë, kryeministri Dimitar Kovaçevski do të takohet me kryetaren e Komisionit Evropian, Ursula von der Leyen, në suaza të takimit joformal të organizuar nga kryeministri grek Kyriakos Mitsotakis për liderët nga Ballkani Perëndimor, informon Indeks.mk
“Kryetarja e KE-së do të mund të informohet drejtpërdrejt nga unë për ecurinë e ndryshimeve kushtetuese, edhe pse tashmë i ka të gjitha informacionet, se procesi ka nisur, se filloi me 73 vota për votim të rendit të ditës për amendamentet kushtetuese dhe se u bë shumë e qartë se LSDM dhe koalicioni evropian, janë për vazhdimin e integrimit evropian të Maqedonisë së Veriut, por se opozita është sërish, ashtu si në të kaluarën, në favor të bllokimit të rrugës së Maqedonisë së Veriut në integrimet evropiane, ashtu siç ishte kundër anëtarësimit të Maqedonisë së Veriut në NATO”, ka deklaruar mes-tjerash Kovaçevski në intervistë për TV Sitel.
Ai vlerësoi se Parlamenti ka kapacitet për të marrë një tjetër vendim të madh strategjik për qytetarët e shtetit, mbi të gjitha për të ardhmen e qytetarëve, me të cilin, siç tha, do të fillojmë hapjen e klasterave, pas përfundimit të suksesshëm. të procesit të shqyrtimit dhe deri në vitin 2030 shteti të bëhet anëtar i BE-së.
I pyetur se si planifikojnë të kalojnë bllokadën e VMRO-DPMNE-së në lidhje me ndryshimet kushtetuese në javët e ardhshme, kryeministri përsëriti se kjo çështje është me interes strategjik si asnjëherë më parë për Maqedoninë e Veriut dhe për BE-në, në dritën e gjeopolitikës, zhvillimeve në Evropë, dhe luftës në Ukrainë.
“Është një nga çështjet që janë në rendin e ditës edhe për Shtetet e Bashkuara të Amerikës. Dhe nuk ishte rastësi që një nga senatorët e tyre më të shquar, Murphy, ishte këtu. Pastaj pata një takim me Sekretarin e Shtetit Blinken dhe jo rastësisht në Parlamentin tonë folën presidenti i KE-së dhe i BE-së dhe një numër i madh presidentësh dhe kryeministrash. Që do të thotë se është një interes i përbashkët strategjik, si rrallë herë më parë. Dhe është hera e parë deri më tani që vetoja për vendin tonë nuk vjen nga jashtë, por nga brenda, nga të njëjtët njerëz nga të cilët gjithmonë kanë bllokada”, tha Kovaçevski, përcjell Indeks.mk
Ai shtoi se ky është fillimi i procesit ku mund të shihen qëndrimet e partive politike.
“Është interesant fakti se VMRO-DPMNE vendosi të mos emërojë deputetin e vet nga partia politike për të paraqitur qëndrimet e tyre, por qëndrimet e grupit të tyre parlamentar dhe të koalicionit i tha një deputete e pavarur, e cili gjithashtu lë hapësirë për të diskutuar normalisht, me VMRO-DPMNE-në, për t’i bindur se tani është momenti për të marrë këtë vendim të rëndësishëm, sepse tani është viti kur së pari – mund të mbajmë konferencën e dytë ndërqeveritare dhe së dyti – para zgjedhjeve të BE-së që do të mbahen vitin e ardhshëm”, thotë Kovaçevski.
Kryeministri, po ashtu njoftoi se do të jap dorëheqje nga posti nëse opozitarja VMRO-DPMNE voton ndryshimet kushtetuese.
“E kam bërë shumë të qartë. Sot dhe këtë e kam ofruar qartë në një konferencë për shtyp, kur të votojmë ndryshimet kushtetuese, do të jap dorëheqjen dhe do të shkojmë në zgjedhje”, nënvizoi Kovaçevski.(Indeks.mk)