Me kalimin e viteve, shumë njerëz bëhen më pak aktivë, duke preferuar të qëndrojnë në shtëpi dhe të pushojnë. Por nuk është ky rasti i një gjysheje, e cila është në super formë dhe shkon kundër të gjitha pritshmërive që vijnë në moshë të saj.
Është fjala për Julie Ford, 69 vjeçe, nga Britania e Madhe, e cila ka qenë aktive gjatë gjithë jetës së saj. Gjyshja është në formën më të mirë dhe nuk ka frikë të tregojë trupin e saj të jashtëzakonshëm.Ford ishte mësuese e edukimit fizik me kohë të plotë për dekada, dhe aktualisht jep mësim me kohë të pjesshme për fëmijët e shkollës së mesme. Përveç kësaj, ajo ka ligjëruar herë pas here edhe klasa të tjera ushtrimesh, si netball, vrap dhe çiklizëm.
“Kam punuar shumë për të qenë në formë dhe shëndetshme, kështu që mund të dukem mirë”, tha Julie Ford në një intervistë, duke shtuar: “Dikur njihesha si zonja në fshat që ecja me biçikletë kudo me pothuajse asnjë rrobë, sepse do të vishja vetëm pantallona të shkurtra dhe bluza”.
Duke bërë një jetë kaq aktive dhe të shëndetshme, ajo mori një tronditje kur u diagnostikua me kancer gjiri në fillim të 60-ave.
“Kur ata thanë se ishte kanceri i gjirit në fazën e dytë, nuk mund ta besoja sepse ndihesha shumë e shëndetshme”, rrëfeu Ford.
Pasi kaloi trajtimin për sëmundjen e saj, ajo u shërua plotësisht dhe iu kthye jetës së saj normale. Por këtë herë ajo dëshironte më shumë se kurrë ushtrimet në natyrë.Në ditët e sotme, Julie Ford poston shpesh video të shkurtra të saj duke u stërvitur, shpesh në vende ekzotike dhe vetëm e veshur me bikini.
“Miqtë e mi me shaka më thonë se më urrejnë dhe më pyesin: “Pse dukesh kaq mirë?”, ka treguar ajo.
Por sipas Fordit, gjërat janë mjaft të thjeshta. Sipas saj, të ndihesh mirë dhe të dukesh mirë janë sinonime.
