Qeveria e Kosovës ka nisur procedurat për largimin e kryetarëve të zgjedhur në veri të Kosovës dhe shpalljen e zgjedhjeve të reja.
Pas pajtimit që ai bëri për çtensionim të situatës në veri të vendit, Ministria e Administrimit të Pushtetit Lokal si përgjegjëse e çështjeve të pushtetit lokal ka filluar me përgatitjen e procedurave që do të mundësonin largimin e kryetarëve nga komunat veriore.
Kjo ministri tashmë ka caktuar grupin e punës për hartimin e Udhëzimit Administrativ për caktimin e procedurave për iniciativën e qytetarëve për largimin e kryetarëve të komunave.
Sipas vendimit të nënshkruar nga ministri, Elbert Krasniqi, ky grup duhet ta finalizojë projekt-udhëzimin administrativ deri më 1 Shtator 2023.
Në vendim thuhet që grupi i pubës do të mbështetët nga zyra e BE-së, përfaqësues nga ambasadat dhe OSBE-ja.
Pikërisht nga shpallja e zgjedhjeve duket të varet edhe heqja e masave për Kosovën nga BE-ja.
Ndërsa Kosova ka nënshkruar një marrëveshje katërpikëshe për përshkallëzimin e situatës në veri, masat ndaj saj nuk janë hequr, e për analistin Gazmir Rraci kjo është e çuditshme.
“Kosova ka filluar të zbatojë planin 4-pikësh, ka ulur prezencën e policisë në dhe përreth objekteve që ka qenë pika e parë dhe shumë e rëndësishme nga ana e Bashkimit Europian që është kërkuar”.
Konfidenciale është mbajtur edhe biseda ndërmjet kryeministrit Albin Kurti në takimin që javën e kaluar zhvilloi në zyrën e tij me emisarin gjerman për Ballkanin Perëndimor, Manuel Sarrazin.
Takimi ishte paralajmëruar nga zyra e kryeministrit të mbahej në 21:30, por për shkak të ndryshimeve në axhendë, ishte mbajtur e kishte përfunduar para kësaj ore dhe për këtë mediat u njoftuan vetëm pas përfundimit të takimit.
Në asnjë njoftim nuk u zbulua se çka kishte biseduar Kurti me Sarrazinin.
Tv Klan