Zëvendës kryeministri i parë Artan Grubi përmes një postimi në rrjetet sociale ka bërë të ditur se Qeveria në seancën e fundit ka miratuar vendim për shpërndarjen e mjeteve në vlerë prej 50 milionë euro për rregullim të infrastrukturës ujore në komuna.
✅Në seancën e fundit të mbajtur të Qeverisë miratuam vendimin për shpërndarjen e mjeteve në vlerë prej 50 milion eurove të siguruara nga Banka Evropiane Investuese, të cilat do të investohen në përmirësimin e infrastrukturës ujore në komunat e vendit.
🔜Këto mjete së shpejti do t’u ndahen si donacion të gjitha komunave, përfshirë këtu edhe komunat e Qytetit të Shkupit përmes Ministrisë së Ambientit Jetësor dhe Planifikimit Hapësinor për realizimin e investimeve prioritare për:
👉🏻rrjetet e ujësjellësit,
👉🏻rrjetin e kanalizimeve,
👉🏻stacione të pastrimit të ujërave të zeza, si dhe
👉🏻pajisje për përmirësimin e infrastrukturës ujore në territorin e tyre.
Një pjesë e mjeteve, respektivisht nga 200 mijë euro do të ndahen në mënyrë të barabartë për të gjitha komunat, ndërsa pjesa tjetër е mjeteve do të përcaktohet në bazë të numrit të banorëve që ata kanë.
#kujdesemi
https://www.facebook.com/photo?fbid=833934121429441&set=a.262689901887202