Aktori dhe këngëtari i njohur Johnny Depp, raportohet se javën e kaluar është gjetur pa ndjenja në dhomën e një hoteli në kryeqytetin e Hungarisë, Budapest.
Ai ishte aty për të performuar në një koncert me grupin e tij “Hollywood Vampires“, por që nuk shkoi gjithçka si duhet, pasi që koncerti u anulua.
Kjo pasi siç raportohet Depp, kishte humbur kontrollin e zërit.
Lidhur me shqetësimin shëndetësor të yllit amerikan, ishte lajmëruar edhe një mjek, por ende nuk dihet arsyeja e kësaj ngjarje.
Mijëra fansa udhëtuan me qindra kilometra, por në fund ngelën të zhgënjyer.
Mediat raportojnë se 60-vjeçari ishte parë duke pirë alkool në qytet, pak para koncertit.