Selatin Novosella, bashkëpunëtor shumëvjeçar i Adem Demaçit, ka rrëfyer në Pressing në T7 për një rast në vitin 2011 kur veprimtari dhe intelektuali që vdiq pesë vjet më parë i kishte kërkuar tani kryeministrit të Kosovës, Albin Kurti që ta mbështeste në Kuvend për t’u bërë president.
Novosella tha se Kurti s’kishte pranuar që deputetët e LVV-së ta votonin Demaçin për shef të shtetit.
“Adem Demaçi me Albin Kurtin – që kjo është e vërtetë – kur është shtruar pyetja po-jo, që kanë dashur ta bëjnë bresident – dihet kush e pse, s’ka kurrfarë sekreti tash, në momentin e fundit kur është biseduar me Albinin, Adem Demaçi thotë ‘pasha bacën s’kemi nevojë me e zgjatë muhabetin, nëse jeni për t’u bë president, që s’po më vyen kurrgjë hiç – kështu i ka thënë – votat i qitni, jo-jo, po e mbulojmë”, rrëfeu Selatin Novosella.
Sipas tij, Kurti i kishte thënë se do ta votonin, por pa Hashim Thaçin kryeministër.