Melinda Ademi dhe Rina Balaj, prej disa ditësh kanë njoftuar bashkëpunimin e tyre të parë.
Ato përmes rrjeteve sociale kanë sjellë vazhdimisht fotografi nga xhirimet e klipit, ndërsa projekti ishte parashikuar të lançohej sot (e mërkurë).Mirëpo me anë të një postimi reperet kanë treguar se për shkaqe teknike kënga e tyre është shtyrë për nesër (e enjte).
“Vëmendje. Për shkaqe teknike kënga Tornado nuk lansohet sot në YouTube po nesër në orën 19:00”, ka shkruar Ademi.
Kjo vlen vetëm për platformën “Youtube” pasi ky duet është i disponueshëm tani në Spotify.
Bashkëpunimi i tyre vjen pas pajtimit me njëra-tjetrën, meqë në fillimet e karrierës ishin rivale.