Të martën në Prishtinë është arrestuar një person për posedim të heroinës dhe marihuanës.
Atij po ashtu i është gjetur edhe një shishe metadon.
“Është arrestuar i dyshuari kosovar për shkak se gjatë kontrollit në banesën e tij janë gjetur dhe sekuestruar: 17.60 gramë substancë e dyshuar narkotike e llojit heroinë, 3.09 gramë marihuanë, një grinder, dy peshore digjitale, një shishe metadon, një telefon, 165 euro”, thuhet në Raportin e Policisë së Kosovës.
“I dyshuari pas intervistimit me vendim të prokurorit është dërguar në mbajtje”.