Një vrasje ka ndodhur mëngjesin e sotëm në Hanioti të Halkidikit në Greqi. Konkretisht rreth orës 03:30 të mëngjesit janë qëlluar me armë zjarri dy persona nga Maqedonia. Ata janë transportuar menjëherë në Shtëpinë e Shëndetit Kasandra, përcjell KlanM.
Njëri prej të dyve, një 39-vjeçar ka ndërruar jetë, ndërsa shoku i tij 45-vjeçar është shtruar me plagë në spitalin Poligiros.
Siç përcjell KlanM informatat e mediave greke, i ndjeri është biznesmen i njohur nga Shkupi, pronar i një kazinoje.
Sipas dëshmitarëve okularë, burra të panjohur me kapuç i janë afruar dhomës me qira ku po qëndronin dhe i kanë qëlluar.
Policia e Poligiros po kryen hetimet paraprake./KlanMacedonia