Të punësuarit në sektorin publik do të kenë 10% rroga më të larta në xhirollogaritë e tyre. Kjo pasi qeveria dhe sindikatat arritën marrëveshje për rritjen e pagave në sektorin publik dhe harmonizimin e marrveshjes kolektive. Rritja prej 10% do të jetë prej muajit shtator.
Gjithashtu palët janë dakorduar që punëtorët në sektorin publik në fund të vitit të marrin edhe K15.Qeveria marrëveshjen e cilëson si historike.
“Me rrogën e shtatorit tani në vitin 2023, rritja do të jetë 10% e rrogave të të punësuarve në sektorin publik, k15 deri në fund të dhjetorit, secili i punësuar do të merr nga 10 mijë denarë, kurse në marrëveshjen kolektive do të qëndroj që pagesa e k15 nga vitit 2024 të jetë së paku 30% nga rroga mesatare”, u shpreh ministrja për punë dhe politikë sociale Jovana Trençevska.
Nga sindikatat thonë se të punësuarit në sektorin publik duhet të jenë të kënaqur me këtë marrëveshje të arritur. Edhe pse kërkesat e sindikatës ishin më të mëdha, për ta më e rëndësishme është që po rriten pagat e të punësuarve.
“Edhe pse pozicionet tona fillestare ishin të ndryshme si tonat si ato të qeverisë, për ne si sindikata ishte e rëndësishme që të punësuarit në sektorin publik në bankomate prej shtatorit të marrin më shumë se sa 14.2%, me çka me këtë koeficient të cilin e kemi dakorduar, e kemi arritur, nëse e kemi parasysh se rrogat e pjesës së madhe të të punësuarve në sektorin publik u rritën gjatë periudhës së kaluar. Për ne ishte e rëndësishme që ajo rritje e pagave në sektorin publik të mos anulohet me këtë rritje, por që kjo rritje të jetë shtesë e asaj rritjes nga janari deri në shtator. Gjithashtu është mirë që dakorduam regresin për pushim vjetor”, u shpreh kryetari i LSM-së Sllobodan Trendafillov.
Sa i përket metodologjisë së re për llogaritje të pagave, palët do të duhet të konretizojnë marrëveshjen, por nga ajo që dihet është se e njejta do të vlejë nga marsi i vitit 2025 dhe do të llogaritet në bazë të koeficinetit dhe pagës bruto mesatare.