Kryeministri i Republikës së Kosovës, Albin Kurti, priti në takim shefin e ri të Misionit të Bashkimit Evropian për Sundim të Ligjit, EULEX, Giovanni Pietro Barbano, me rastin e fillimit të mandatit të tij.
Në takim u diskutua për bashkëpunimin ndërmjet Qeverisë së Republikës së Kosovës dhe institucioneve të rendit dhe sigurisë me misionin EULEX me qëllim të forcimit të sundimin të ligjit.
Po ashtu z. Barbano e falënderoi Kryeministrin Kurti dhe e përgëzoi për progresin mbresëlënës ekonomik dhe demokratik që ka shënuar Kosova.