Universiteti i Prishtinës ka bërë të ditur se sot fillon Universiteti Veror Ndërkombëtar i Prishtinës.
Kështu ka bërë të ditur UP-ja përmes një njoftimi në Facebook, raporton Klan Kosova.
“Bëhu gati për të krijuar kujtime të paharrueshme. Mos mungoni në ceremoninë hapëse, e cila nis në ora 17:00, në rrugën Xhorxh Bush. Pas ceremonisë zyrtare, do të ketë muzikë”, thuhet në njoftimin e UP-së.
Ndërkohë, Komuna e Prishtinës ka njoftuar se bulevardi “Xhorxh Bush” i cili gjendet në qendër të kryeqytetit do të mbyllet për qarkullimin e automjeteve e mjeteve tjera të transportit nga data 03.07.2023 deri më 14 korrik 2023.